2018ko Gipuzkoako ondarearen europako jardunaldiak - Erakusketa: Emakumearen presentzia XX. mendeko Beasaingo merkataritzan
Gipuzkoako Foru Aldundiko Kultura, Turismo, Gazteria eta Kirol Departamentuak, hirugarren urtez jarraian, Ondarearen Europako Jardunaldiak antolatzen ditu. Europako Kontseiluaren ekimen honen asmoa da ondarearen garrantzia balioetsi eta herritarrei gerturatzea. Kultur ondasunak zaindu beharraren sentsibilizazioa bilatu nahi du ekimen horrek, gizarte kohesioa eta gure kultur identitatea indartzen duen elementu gisa, eta garapen ekonomikoaren eta enplegu jasangarriaren iturri baita.
Asko dira Beasainen merkatari lanetan dabiltzan eta aritu izan diren emakumeak. Emakume horiek gehienek, ordea, ez dute merezitako oihartzunik eta aintzatespenik jaso gizartean, eta ezezagunak dira belaunaldi berrien artean. Horregatik,
XX. mendean Beasaingo merkataritzan protagonista izan diren emakumeak gai hartuta, euren lana eta herriaren garapenean hain funtsezkoak izan diren eta ondare balioa duten jarduera horiek ezagutarazteko asmoz, erakusketa berezia
izango da Igartzan.
Ordutegia: Astelehenetik ostiralera 18:00-20:00 / Asteburuak 11:00-14:00 - 18:00-20:00
Lotura interesgarriak:
Egitaraua (PDFa)