Aburuza Sagardotegiko Eskaintza Turistikoa
Aburuza sagardotegiak Euskal Herrian, eta bereziki Gipuzkoan hain sustraitua dagoen txotxaren tradizio gastronomiko eta kulturalaren atzean dagoen sagardogilearen lana eta bakoitzak gordetzen dituen sekretuak kontatuz eta ikusiz, bisitariari sagardotegi bat barru-barrutik gozatzeko aukera eskaini nahi dio. Adunako udaletxea, Gipuzkoako Sagardogileen Elkartea eta Tolosa Gourmet-en laguntzaz, Aburuza sagardotegia Tolosaldeko eskualdean gisa honetako esperientzia bat eskaintzen lehena izan da.
Izan ere, Adunako Aburuza familiak badu sagardoaren inguruan zer kontatu. Berrogeita hamarreko hamarkadan, Manuel Aburuza sagardoa egiten hasi zen baserrian bertan, eta haren seme Juan Josek aitak hasitako bideari jarraitu, eta egungo sagardotegia sortu zuen 1979an. Gaur egun, belaunaldi-erreleboa hartua daukate haren seme-alabek. Adunan kokatzen da, Gipuzkoan, eta sagarrondo ugariz guratuta dago; izan ere, Aburuzan bertako sagarrez egiten da sagardo gehiena. Aburuzatarren lan egiteko moduari esker bisitariak sagardoaren prozesu osoa ezagutu ahalko du, hasi sagastitik,larera (tolareen eboluzioa ere ikusiz), tolaretik upeletara eta upeletatik boteiletara. Izan ere sagardoa urte osoan merkaturatzen dute botilan.
Urteetan zehar Aburuzak egindako lana eta eboluzio hau ikusteko, bi bisita gidatu eskainiko dira, hemengo jendeari zein kanpoko turistari zuzenduta, lau hizkuntzetan egiteko aukera baitago. Bisita hauek familia, bikote, lagun arte, persona heldu, ezindu, sektoreko profesional eta edozein bisitari motari egokituko dira. Bisitak, sagardotegia eta sagardo mundua sakonago ezagutzeko aukera emango digu, sagardoaren elaborazio prozesua eta historia ezagutuz. Eta noski, bi bisitetan Aburuza sagardotegiko produktua dastatzeko aukera izango da: Aburuza sagardoa eta Aduna sagardoa, bigarren hau Eusko Label-duna, 100% bertako sagarrarekin egina eta HAZI Fundazioak zertifikatua. Bisitak bazkari edo afari eder batekin amaitzeko aukera eskainiko da.
Oraingoz bi produktu turistiko hauek kaleratu ditu baina bisitariaren beharretara egokituko diren beste hainbat pakete turistikoen proiektuak lantzen ari da Aburuza sagardotegia beste zenbait eragile turistikorekin elkarlanean.
Eskaintza turistikoa:
- BISITA GIDATUA ETA KATA KOMENTATUA
Ezagutu ezazu sakonean sagardoaren mundua, hain ezagunak ez diren sagardotegiko txokoak bisitatzeko aukera izango duzu: sagastia, dolarea Bisita ondorenean sagardoa dastatuko dugu, dastaketa komentatu labur batekin. Bertan, bi sagardo dastatuko ditugu, ABURUZA eta ADUNA (Eusko-label), Idiazabal gazta pintxo batekin lagundurik. Haurrek sagar zukua dastatuko dute.
Lotura interesgarriak:
Bisita gidatuak
Erreserbak on line