Antzerkia: "Tonbola"
Uztakale 2021 egitarauaren barruan, Hika Teatroa konpainiak "Tonbola" kale ikuskizuna aurkezten du.
- Egilea: Aktoreen inprobisazioetatik abiatuz, Agurtzane Intxaurragaren dramaturgia.
- Testuak: Agurtzane Intxaurraga, Benjamín Jiménez.
- Zuzendaritza: Agurtzane Intxaurraga.
- Antzezleak: Eneko Gil, Miren Gojenola, Iñigo Aranburu, Sandra Fdez. Agirre/ Maryse Urruty.
- Kolaborazio berezia: Ellach Elhadi, Trekya Ment Gremich, Roberto Tananta Awanari, Sandra Lilia Gonzalez Vasquez.
- Zuzendari laguntzailea: Jon Ander Alonso.
- Musika: Iñaki Dieguez (musika originalak), Bill Martin & Phil Coulter ("Congratulations"), María José de Ceratto & Aniano Alcalde ("Vivo cantando"), Manuel de la Calva & Ramón Arcusa ("Voulez vous dancer avec moi"); Izaro ("La Felicidad").
- Jantzien diseinu eta egitea: Nahia Salaberria
- Panpinak: Urko Redondo Pescador.
- Eszenografiaren diseinua eta eraikuntza: Oscar de Paz.
- Grafikaren diseinua: Santos Bregaña.
- Argazkiak: Dani Blanco.
- Promozio bideoak: Acrónica Producciones, Pausa Digital eta Kensa Produkzioak.
- Talde teknikoa: Eraginstac.
- Administrazioa: Asun Etxeberria.
- Komunikazioa: Teresa Sala.
- Banaketa: HIKA Teatroa (Agurtzane Intxaurraga & Teresa Sala).
- Eskerrik beroena Ainara Ortegari eta Dejabu panpin laborategiari.
"Tonbola" ikuskizunak kaleko kabareta eraikiko du. Egoera absurdoetan oinarrituko du bere umorea eta munduan zehar mugek banatuta edota muga baten baitan bizi den jendearen errealitateari erreparatuko dio. Irabazlearen pozak dantzarekin eta zuzeneko kantu eta musikarekin hornituko ditu eta galtzaileen minak gorputzetik eraiki.
Tonbola herrira iritsi da eta harekin batera datoz tonbolaria, haren emaztea eta haien zerbitzariak.
Iritsi dira "Ilusio sortzaileak!"
Tokia: Haztegi Ikastolako patioan (euriarekin Urbeltz pilotalekuan).
Oharra: Sarrerak doan. Gonbidapenak 09:00etatik 13:30etara Kultur Etxeko Harreran edo 943737202 telefonora deituz.
Lotura interesgarriak:
Hika Teatroaren weba