Donostiako Emakumeen Etxean AUTODEFENTSA FEMINISTA tailerra antolatzen da

Helburuak: Emakumeok indarkeriarekiko ditugun bizipenak konpartitu eta biltzea. Esperientzia ezberdinak partekatu eta iritzi trukaketa egitea. Elkar entzutea eta beldur eta emozio ezberdinei buruz lasai hitz egiteko tartea eta espazioa eskaintzea. Indarkeria egoerak, eraso ezberdinen identifikazioa eta indarkeriaren definizioa taldean lantzea. Autodefentsaz aritzea eta autodefentsaz ulertzen duguna komunean jarri eta erasoei aurre egiteko estrategiak lantzea. Erantzun, alternatiba eta estrategietan sakontzea. Bai indibidualki martxan jarri beharrekoak eta baita kolektiboki eraiki beharreko erantzun, dinamika, alternatibak pentsatu. Nola ekin? Emakumeon arteko sarea osatu eta gure arteko aliantzak sendotu, aurrera begira taldea modu autonomo eta horizontalean jarraitzeko aukerari ateak irekiz.

Formadora:  Naroa Argoitia

Eguna: Ostirala
Ordua: 18:00 - 20:00
Hasiera: Otsailak 3
Iraupena: Ikasturte osoa
Hizkuntza: Euskara

Antolatzailea: Emakumeen Etxea Elkartea

Antolatzailea: Emakumeen Etxea Elkartea

Emakumeen Etxea, mugimendu feminista eta Donostiako emakume elkarteen aldarrikapen historikoa da 70. hamarkadatik aurrera. Emakume elkarte, mugimendu feminista eta Donostiako Udalaren arteko prozesu parte hartzaile baten ondorioz sortu zen Emakumeen Etxea, ateak
2010.urte bukaeran ireki zituelarik. Aipaturiko prozesu honek, Emakumeen Etxea Elkartea eta Udaleko Berdintasun Sailaren arteko kudeaketa mistoa duen eredu aitzindari bati bide eman dio. Emakumeen Etxea, emakume eta gizonen arteko benetako berdintasuna lortzeko bidean, gogoeta egiteko, esperientziak eta konplizitateak elkartrukatzeko,  pentsamendua ekoizteko eta kolektiboki aurrera egiteko elkargune bat da. Etxea, erreferentziazko gune bat da, bai udalerriko emakume guztientzat, bai Lurralde Historikokoentzat, bai Autonomia Erkidegokoentzat ere.

Emakumeen Etxea - Okendo, 9 - 20004 Donostia / Tel 943483470 / info@donostiakoemakumeenetxea.com / berdintasuna@donostia.eus

Lotura interesgarriak:
Egitaraua (PDFa)