DK On!-en "Ipuinaren Ordua Online" egitarauaren barruan, Izaskun Mujikak eskainiko duen "Kalapita munstroa" haurrentzako online ipuin kontaketa saioa.

Haurrentzako ipuin kontaketa, Izaskun Mujikak eskainia. Kalapita munstroa entzun eta ikusi ahal izango da gure Youtubeko kanaleko zerrenda honetan. Bideoa uztailaren 8an 10:00etatik aurrera ikusgai egongo da. Familia osoari zuzendutako ipuinez gain, jolasak, pistak eta sariak izango dira. Zuen erantzunak donostiakoipuinarenordua@gmail.com posta elektronikora bidali. Animatu eta parte hartu!

Uztailaren 1etik abuztuaren 30era izango da Ipuinaren Ordua, astelehenetik ostiralera, eta hiriko 44 toki esanguratsutatik ariko dira. Bideo guztiak irailaren 10era arte ikusgai egongo dira.

Ipuinaren Orduaren saio birtualak euskaraz izango dira, eta ostiraletan, gainera, zeinu hizkuntzan. Narratzaileen taldea Lur Kortak koordinatu du, eta hauek dira kontalariak: Saioa Aizpurua, Amaia Ipuin, Lur Korta, Iraitz Lizarraga, Izaskun Mujika eta Lur Usabiaga. Ostiraleko zeinu hizkuntzako kontaketak Eskuaire bitartekaritza zerbitzuko Bego Gonzalezen eskutik iritsiko zaizkigu.

Gaurkoan, Victoria Eugenia Antzkokia izango da eskenatoki; antzokiak historia oparoa du, eta hiriko kultura gertaera nagusien lekuko izan da 1912tik, hau da, inauguratu zutenetik. Ipuina Foyer izeneko tokitik grabatu da, antzokiko topaleku nagusia.

Lotura interesgarriak:
Donostia Kultura