Kontzertua: Cielito Musika Banda
Musikarien patroia den Santa Zezilia eguna dela eta "Cielito" Musika Bandak eskainiko duen kontzertu-serenata.
"Cielito" Musika Banda: XIX. mendearen amaieran "La Marcial" Musika Banda sortu zenetik Eibarren beti izan da musika bandaren bat edo gehiago, Gerra Zibileko garaian salbu. Gaur egun ezagutzen dugun "Cielito" Musika Banda, berrogeigarren hamarkadaren hasieran sortutakoaren jarraipena da. Egun, berrogei musikarik osatzen dute banda eta bere zuzendaria Jorge Molina da, bandan bertan sortutako musikari gaztea. Ohiko kontzertuak eskaintzeaz gain, musika bandak hainbat jarduera desberdinetan parte hartu edo laguntzen du, besteak beste: kalejira, dantza saio, zezenketa edo danborradetan.
2009ko Santa Zezilia kontzertuan Jorge Molina zuzendariak Carlos Sánchez Barbari zuzendaritza batuta pasako dio. Azken urte hauetan Carlos bandaren zuzendariordea izan da.