Artea
Museoaren kanoi bilduma
Artilleriako bildumak 48 kanoi dauzka, XV. mendeko bonbardekin hasi eta XX. mendeko Saint Chamond kanoietaraino. Horien artean kategoria asko daude, eta bi tipologia nagusi bereiz daitezke: lehorreko kanoiak eta ontzikoak. Gehienak burdinurtuzkoak edo forjazkoak dira, eta gutxi batzuk brontzezkoak.San Telmo Museoa prebentziozko kontserbazio eta zaharberritze programa bat garatzen ari da artilleriako bildumari dagokionez. Horren barnean, ondare garrantzitsu hori babesteko beharrezko lanak egiten ditu. Gaur egun, bildumaren parte handi bat Urgull mendian ikus daiteke.