Oiasso, Erromatar Museoa
Museoak aukera eskaintzen du modu atsegin batez Oiasso ezagutzeko espazio desberdinen bitartez, alegia, erromatar munduaren inpaktua gizarte indigenan, portuaren aurkikuntza arkeologikoa eta hiriko bizimodua gure aroko I. eta II. mendeetan.
Oiasso museoa 2006an inauguratu zen, eta erromatarren garaiko hondakin arkeologiko garrantzitsuenak biltzen ditu, azken hamarkadetan eremuan egindako indusketen bidez berreskuratu direnak. Ikerketa arkeologikoari esker, identifikatu ahal izan dira portua eta bertako biltegiak, termak, nekropolia eta inguruko meatze ustiategiak.
Bilduma arkeologikoek erakusten dute, hartan material organikoak dira nagusi, larruan eta zurean landutako objektuekin, gure aroko lehen mendeetan garatu zen finkamendua zela portuak zuen jarduerari, ibilbide atlantikoan baitzegoen, eta inguruetako meatzeei esker.
Bildumak hiru gelatan antolatuak daude: Erromatarren eragina, Portua eta Oiasso. Erromatarren eragina gelak baskoien mundu indigena erakusten du eta haren eta erromatar kolonizatzaileen artean izandako lehen harremanak. Portua gelan, berriz, merkataritzaz eta arrantzaz hitz egiten diguten material arkeologikoak biltzen dituzte beira-arasek, portuarekin loturiko bi jarduera ekonomiko nagusiak, hain zuzen ere. Azkenik, Oiasso gelak Goi Inperioaren garaiko erromatar hiri baten eguneroko alderdiez hitz egiten ditu: dieta, jantziak, idazkera, aisia edo erlijioa.
Ordutegiak eta Tarifak
Irailetik Martxora
Asteartea, asteazkena, osteguna eta igandeetan: 10:00-14:00
Ostirala eta larunbatetan: 10:00-14:00 / 16:00-19:00
Apiriletik Abuztura
Asteartetik larunbatera: 10:00-20:00
Igandeak: 10:00-14:00
Astelehena eta igande arratsaldetan itxita.
Museoa urtarrilaren 1ean eta 6an, ekainaren 30ean, uztailaren 1ean, eta abenduaren 24ean, 25ean eta 31an itxita egongo da.
Lotura interesgarriak:
Oiasso Museoa - Weba