Ur Mara Museoa (Neguan itxita)
Ur mara museoa arteari, naturari eta kultur hedapenari eskainitako naturgunea da. Erakusketa iraunkorrak Koldobika Jauregik museoari utzitako piezekin osatua dago. Koldobika Jauregi euskal eskultoreak Elena Cajaravillerekin batera sortu zuen Ur mara museoa 2010 urtean.
Egilea - Koldobika Jauregi 1959-2024
Artista polifazetikoak euskal estetikaren herentzia jaso zuen bere eskuen artean. 1990ean Chillidak Zabalaga beka eman zion. Garai hartan hasi berri zen Chillida Lekuko baserriaren izen bera jaso zuen bekak.
Koldobika Jauregik, Elena Cajaraville emaztearekin batera, Karl-Henrich Müller mezenasaren "Insel Hombroich" Alemaniako museoan "Naturarekiko paraleloa den artea" proiektuan parte hartu zuen hainbat urtez. Ur mara museoa esperientzia horretatik sortu zen.
Guggenheim-Bilbao edo Würth museoetan aurkitu dezakegu bere obra.
Egindako lan ugarien artean, 2017an Telmo Esnalek zuzendutako Dantza filmerako sortutako unibertso estetikoa topatu dezakegu.
Ur Mara Kultur Elkartea
Ur mara Kultur Elkartea da Ur mara museoaren organo kudeatzailea.
Helbidea: Garmendi-Azpi Baserria, Azaldegi 9. 20494 ALKIZA
Tel.: 943 694 210 - info@urmara.com
Lotura interesgarriak:
Koldobika Jauregi