XIII. ASPANOGI Nordic Walking
XIII. ASPANOGI Nordic Walking ekitaldia otsailaren 22an egingo da azkenean (hasiera batean otsailaren 15ean aurreikusita zegoen). Aldaketa hau ASPANOGItik kanpoko arrazoiengatik izan da.
Ekitaldi jendetsu honek bi fase ditu:
- Lehenengoan, dortsalak banatzerakoan, parte-hartzaile guztiek 501. Legioko kideekin eta Porrotxekin argazkiak ateratzeko eta haiekin elkarreragiteko aukera izango dute. Ibilaldia hasi aurretik, beroketa egiteko aukera ere egongo da.
- Ondoren, martxan jarriko gara: Sagüesetik irtengo gara, Zurriolako pasealekua eta Paseo Berria zeharkatuz, Apaizen Pasealekutik jarraitu, eta portutik barrena Haizearen Orrazira iritsiko gara.
IZEN-EMATEAK ZABALIK daude jada, urtero minbizia duten adingabeen familien errealitatea ikusarazteko antolatzen dugun martxa solidariorako.
Herritar guztientzako ekitaldia da, familia hauei ikusgarritasuna emateko, ahotsa emateko eta gizartea kontzientziatzeko
Izena eman, parte hartu eta lagundu ikus dadin.
Ikusaraztea ere babestea delako.
Izen-ematea hemen:https://shre.ink/5EWz
Izen-ematea eta dortsalak: 09:30 - 10:30
Irteera: 11:00
6,1 km-ko ibilbidea.
Lotura interesgarriak:
Aspanogi Elkartea